Garpyz diňe bir ýakymly we serginlediji miwe bolman, eýsem köp peýdaly maddalaryň çeşmesidir.  Suw we mikroelektrlere baý, böwrek, aşgazan, bagyr organlary ýuwup arassalaýar. Garpyz 92% suwdan durýar.  Yssy howada ýa-da güýçli maşklardan soň, bu önümi iýmek bedende suw balansyny dikeltmegiň aňsat usuly. 

Garpyzyň düzümi A we C witaminlerine baý, A witamini sagdyn gözleri, derini we saçlary ösdürýär, C witamini erkin radikallara garşy göreşmäge kömek edýän güýçli antioksidantdyr.  Mundan başga-da, garpyz nerw ulgamyna oňyn täsir edýän az mukdarda B witaminini öz içine alýar. Antioksidantlar Garpyzdaky lisin, karotin, lýutein we beýleki antioksidantlar ir garramagyň we dowamly keselleriň döremeginiň öňüni alýar, ýürek-damar ulgamynyň işjeňligini sazlamaga kömek edýär. 

Garpyz gan damarlaryny rahatlandyrmaga, aýlanyşygy gowulaşdyrmaga kömek edýän L-sitrulin aminokislotasyny öz içine alýar. Ýokary gan basyşy ýa-da beýleki ýürek-damar keselleri bolan adamlar üçin bu peýdaly bolup biler.

Ýunus GELDIMYRADOW,
Türkmen oba hojalyk institutynyň
Agronomçylyk fakultetiniň
II ýyl talyby.