Ýakynda Balkan welaýat kitaphanasy we Türkmenistanyň Kärdeşler arkalaşyklarynyň Balkan welaýat birleşmesi bilen bilelikde Gahryman Arkadagymyzyň jöwher paýhasyndan dörän kitaplarynyň ähmiýetini giňden ýaýmak maksady bilen, «Älemiň çyragy kitap» atly bäsleşik yglan edilipdi. Onuň düzgünnamasyna laýyklykda, bilim işgärleriniň arasynda bäsleşik geçirildi.

Bäsleşikde şäherdäki 17-nji orta mekdebi 1-nji orny, ýöriteleşdirilen 3-nji orta mekdebi 2-nji orny, 6-njy orta mekdebi 3-nji orny eýeledi. Bäsleşigiň ýeňijilerine Türkmenistanyň Kärdeşler arkalaşyklarynyň welaýat birleşmesi tarapyndan Hormat hatlary hem-de ýadygärlik sowgatlary gowşuryldy.