Bäherden etrabynyň Mürçe obasyndaky 12-nji orta mekdepde geçirilen woleýbol ýaryşy Halkara zenanlar gününe bagyşlandy. Etrap bedenterbiýe we sport bölüminiň meýilnamasy esasynda geçirilen ýaryşa etrapdaky orta mekdeplerden gelin-gyzlardan düzülen toparlar gatnaşdy.

Ýaryşyň esasy maksady ildeşlerimizi sporta çekmekde, olaryň woleýbola bolan höwesini we sport ussatlygyny ýokarlandyrmakdan ybarat boldy. Woleýbol ýaryşynyň netijesinde etrapdaky 27-nji orta mekdebiň topary birinji, 23-nji orta mekdebiň topary ikinji, 17-nji orta mekdebiň topary üçünji orna mynasyp boldular. Ýeňijilere Ylym we bilim işgärleriniň kärdeşler arkalaşygynyň etrap Geňeşiniň sowgatlary gowşuryldy.