Bäherden etrabynyň sport mekdebinde «Berkarar döwletiň sagdyn ýaşlary» ady bilen kiçi futbol ýaryşy geçirildi. Türkmenistanyň Magtymguly adyndaky Ýaşlar guramasynyň etrap Geňeşiniň, etrabyň bedenterbiýe we sport bölüminiň bilelikde guramagynda bolan ýaryşa ýetginjeklerden düzülen toparlaryň birnäçesi gatnaşyp, özara güýç synanyşdy.

Çekeleşikli geçen ýaryşda «Galkynyş» topary ýeňiji boldy. Ýaryşda Bezirgen Bäşimow, Bagtyýar Babaýew, Baýramgeldi Nurýagdyýew, Işanmyrat Söýünow dagynyň aýratyn tapawutlanmagy başarandyklaryny bellemek gerek. Olara Türkmenistanyň Magtymguly adyndaky Ýaşlar guramasynyň etrap Geňeşiniň ýadygärlik sowgatlary gowşuryldy.