Berkarar döwletiň täze eýýamynyň Galkynyşy döwründe Arkadag Serdarly bagtyýar ýaşlar ýylynda, ýakynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli  Tejen etrabynyň, Tejen şäher medeniýet öýünde,   Tejen etrap häkimliginiň, etrap medeniýet bölüminiň hem-de etrabyň jemgyýetçilik guramalarynyň bilelikde gurnamagynda  «Kanunym hem baýdagym-baky abadanlygym» atly aýdym-sazly baýramçylyk dabarasy geçirildi. Dabara etrabyň edara-kärhanalarynda zähmet çekýän  raýatlar   gatnaşdylar. Etrabyň medeniýet bölüminiň aýdymçylarynyň Garaşsyz, Bitarap watanymyzy wasp edýän aýdymlary, çagalar sungat mekdebiniň tans toparlarynyň görkezen tanslary, sazandalaryň şirinden-şirin ajaýyp sazlary, sahna wäşileriniň şadyýan çykyşlary  baýramçylyk dabarasyna aýratyn öwüşgin çaýdy.

Dabara  gatnaşyjylar dabaranyň ahyrynda Milli Liderimiziň Gahryman Arkadagymyzyň, Arkadagly Serdarymyzyň  Watanymyzyň ýokary depginler bilen ösmegi, abraý mertebesiniň belende galmagy ugrunda nusgalyk işleriniň mundan beýläkde rowaç almagyny arzuw etdiler.

Aýsoltan ÖWEZOWA,

Türkmenistanyň Kärdeşler arkalaşyklarynyň
Ahal welaýatynyň Tejen etrap
birleşmesiniň işgäri.