logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Sport /Atda aýak bolsa özge syn bolmaz...
  29.09.2023
1766
Atda aýak bolsa özge syn bolmaz...

Gahryman Prezidentimiziň parasatly baştutanlygynda ýurdumyzda atçylyk sportuny ösdürmek barada köptaraplaýyn netijeli işler amala aşyrylýar. Sport ussatlarynyň hünär taýýarlyklaryny ýokarlandyrmak, at çapmagyň şöhratly milli ýörelgelerini aýawly saklamak we olary mynasyp dowam etdirmek üçin zerur tagallalar edilýär.

 

 

«Arkadag Serdarly bagtyýar ýaşlar» ýylymyzyň sahawatly güýz paslynda, has takygy 28-nji sentýabrda ýurdumyzyň mukaddes Garaşsyzlygynyň şanly 32 ýyllyk toýy mynasybetli hormatly Prezidentimiz Serdar Berdimuhamedowyň gatnaşmagynda Halkara ahalteke atçylyk sport toplumynda baýramçylyk dabaralary giňden ýaýbaňlandyryldy.

 

 

Bu ýerde dünýä meşhur ahalteke bedewlerine bagyşlanyp guralan sergi diňe bir halkymyza däl, eýsem daşary ýurtly myhmanlara hem baýramçylyk şatlygyny paýlady. 

 

 

Jemi 7 aýlawdan ybarat bolan baýramçylyk at çapyşyk dabarasynda ahalteke bedewleri özleriniň ýyndamlyklaryny, güýç-kuwwatyny, çydamlylygyny hem-de taýsyz gözelliklerini ýene-de bir gezek ykrar etdirdiler.

 

 

Bu dabaralar mukaddes Garaşsyzlygymyzyň şanly 32 ýyllyk toýy bilen utgaşyp, gözel Köpetdagyň eteginde hakyky türkmen toýuna mahsus baýramçylyk ýagdaýyny emele getirdi.

 

 

Ýurdumyzy bedew bady bilen öňe alyp barýan, halkymyzyň milli däp-dessurlaryny, atçylygy, sporty ösdürmekde uly aladalar edýän Mähriban Arkadagymyzyň, Gahryman Prezidentimiziň janlary sag, ömürleri uzak bolsun, tutýan tutumly işleri elmydama rowaçlyklara beslensin!

 

Ogulşat SAPAROWA,
Türkmen oba hojalyk
institutynyň V
ýyl talyby.