Ähli ösüşleriň gözbaşynda duran Hormatly Prezidentimziň parasatly ýolbaşçylygynda bagtyýar halkymyz asuda, parahat durmuşyň gujagynda ýaşaýar. Rowaçlyga beslenen diýarymyzyň her bir güni toýly günlere, şanly senelere, ýatdan çykmajak ajaýyp pursatlara beslenip gelýär. Bagtyýarlyk döwri türkmeniň döwletli ýurdyna döwlet eçildi. Halkymyzyň ýaşaýyş-durmuş şertleri günsaýyn gowulaşýar. Maksatlar anyk, ýollar aýdyň bolanda her bir günimiz diňe ösüşlere beslenýär. Şeýle-de, 08.09.2021-nji ýyl senede bolsa Şanly Garaşsyzlygymyzyň 30 ýyllygy mynasybetli Ahal welaýatynyň Ak bugdaý etrabynyň Änew şäherinde saglyk ulgamynyň işgärlerine niýetlenen, ähli amatlyklary bolan 2 sany 4 gatly (1 sany 4 gatly 24 öýli we 1 sany 4 gatly 32 öýli, jemi 56 öýli) iri panelli döwrebap ýaşaýyş jaýlary sowgat edildi. Raýatlarymyzyň jan-saglygy baradaky aladalar bilen ýaşaýan, zähmet çekýän saglyk ulgamynyň işgärleri Hormatly Prezidentimiz tarapyndan berlen bu sowgat üçin öz ýürek buýsançlaryny giňden beýan etdiler.

Şanly Garaşsyzlygymyzyň 30 ýyllyk baýramçylygynyň öňisyrasynda täze jaýyň açaryny ellerine alan ak ýektaýly lukmanlarymyzyň begenç duýgulary has-da goşalandy. Saglyk ulgamynyň işgärleri üçin bimöçber aladalary edýan Hormatly Prezidentimize özleriniň çäksiz minnetdarlygyny bildirýärler.