“The Guardian” gazetiniň habaryna görä, Jeýms Webb teleskopy astronomlara umman bilen örtülen bir planetany tapmaga mümkinçilik berdi.

Neşiriň habaryna görä, TOI-270 d planetasy ýerden takmynan 70 yşyk ýyly uzaklykda ýerleşýär. Ol ýerde metanyň we kömürturşy gazynyň alamatlary ýüze çykaryldy. Kembrij uniwersitetiniň gözlegçileri alnan maglumatlaryň suw dünýäsine laýyk gelýändigini mälim etdiler. Ol ýerde täsin deňziň bardygyna şübhelenýärler.

Professor Nikku Madhusudhan, ummanyň temperaturasy 100 °C gradusa ýa-da ondanam ýokary bolup biler diýip aýtýar. Mundan başgada, hünärmenler gijelerine temperaturanyň peselip biljekdigini aýtdy. Bu bolsa planetanyň  ýaşaýyş üçin amatly şertleriň bolup biljekdigini çaklamaga mümkinçilik berýär.

Oguloraz ATAMYRADOWA,

Döwletmämmet Azady adyndaky
Türkmen milli dünýä dilleri
institutynyň talyby.