logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦ ✦ Türkmen önümleri Şanhaýdaky halkara sergide tanyşdyrylýar ✦ ✦ Türkmenistanyň Prezidentiniň Gazagystana iş sapary tamamlandy ✦ ✦ «Ykbal öwrümi»: Dursun Tekäýewa bilen täsirli söhbetdeşlik ✦ ✦ Aýdym-sazly okuw maslahaty geçirildi ✦ ✦ Adam hakdaky alada ✦ ✦ Sanly gurşawyň ähmiýeti ✦
Baş sahypa / Medeniýet /Aşgabatda türkmen alabaýyna we tazysyna bagyşlanan halkara ylmy maslahat geçirildi
  27.10.2026
269
Aşgabatda türkmen alabaýyna we tazysyna bagyşlanan halkara ylmy maslahat geçirildi

S.A. Nyýazow adyndaky Türkmen oba hojalyk uniwersitetinde Türkmen alabaýynyň baýramy mynasybetli «Türkmen alabaýyny we tazysyny ýetişdirmek: taryh, medeniýet we sungat» atly VI halkara ylmy maslahat geçirildi. Çärä kinologlar, seçgiçilik we weterinariýa ugurlarynyň hünärmenleri, professor-mugallymlar hem-de bu ugurda bilim alýan talyp ýaşlar gatnaşdylar.

 

Maslahatyň dowamynda uniwersitetiň Medeniýet merkezinde ýörite sergi hem guraldy. Onda genetika, weterinariýa we tohumçylyk boýunça döwrebap okuw gollanmalary, şeýle-de türkmen alabaýynyň taryhy keşbini beýan edýän şekillendiriş we amaly-haşam sungatynyň eserleri görkezildi.

 

Ylmy maslahatyň esasy meseleleri türkmen alabaýynyň tohum arassalygyny gorap saklamak, paýtagtda we ýurduň welaýatlarynda hereket edýän ýöriteleşdirilen kinologiýa merkezlerinde seçgiçilik hem-de tohumçylyk işlerini kämilleşdirmek bilen bagly boldy.

 

Çärä gatnaşyjylar «Itçilik we kinologiýa işi hakynda» Türkmenistanyň Kanunynyň kabul edilmeginiň hem-de türkmen alabaýyny ösdürip ýetişdirmek däpleriniň ÝUNESKO-nyň Adamzadyň maddy däl medeni mirasynyň sanawyna girizilmeginiň milli kinologiýanyň halkara derejesinde ykrar edilmeginde möhüm ähmiýete eýedigini bellediler.

 

Maslahatyň ahyrynda daşary ýurtlaryň kinologik birleşikleri bilen hyzmatdaşlygy ösdürmek, halkara göçme sergileri geçirmek we sebitiň gadymy it tohumlarynyň özboluşly genofonduny gorap saklamak boýunça bilelikdäki ylmy barlaglary giňeltmek meselelerine garaldy.

 

Pirhan DURDYÝEW,
Türkmen oba hojalyk institutynyň talyby.