logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦ ✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦
Baş sahypa / Ykdysadyýet /Aşgabatda “QACIS 2025” halkara maslahaty geçiriler
  08.04.2025
1502
Aşgabatda “QACIS 2025” halkara maslahaty geçiriler

2025-nji ýylyň 29-30-njy apreli aralygynda Aşgabatda ählumumy işewürlik gurşawyna hil standartlaryny ornaşdyrmak meselelerine bagyşlanan “QACIS 2025” atly halkara maslahaty geçirilýär. Maslahatyň maksady, sanly özgertmeler we ählumumy bäsleşigiň ýokarlanýan şertlerinde standartlaşdyrma tejribelerini ara alyp maslahatlaşmakdyr. Çärä 8 ýurtdan bilermenler, hökümet we hususy pudagyň wekilleri gatnaşar.

 

“World Halal Trust Group”, “Control Union Quality”, “Bureau Veritas”, “SGS” kompaniýalarynyň wekilleri we “Global G.A.P.”, “OEKO-TEX” ýaly standartlaşdyrma düzümleriniň hünärmenleri çärä gatnaşar. ABŞ, Beýik Britaniýa, Fransiýa, Awstraliýa we Aziýa ýurtlaryndan çagyrylan daşary ýurt wekilleriniň hem bu maslahata gatnaşmagy meýilleşdirilýär.

 

Maslahatyň çäklerinde gurluşyk, nebitgaz, azyk we derman senagaty ýaly esasy pudaklarda “ISO” standartlaryny ara alyp maslahatlaşmak göz öňünde tutulýar. Şeýle hem sertifikatlaşdyrmak ulgamynda hyzmatdaşlygy giňeltmek we tejribe alyşmaga gönükdirilen “B2B” we “B2G” görnüşindäki işewürlik duşuşyklary geçiriljekdir.

 

Guramaçylar “QACIS 2025” maslahatyna gatnaşmagyň kompaniýalara halkara standartlar barada möhüm maglumatlar bilen tanyşmaga, şeýle hem önümleriniň we hyzmatlarynyň eksport kuwwatlyklaryny ýokarlandyrmaga ýardam etjekdigini belleýärler.

 

Şemşat ÇARYÝEWA,

S.A.Nyýazow adyndaky Türkmen oba hojalyk
uniwersitetiniň talyby.