Türkmenistanyň Magtymguly adyndaky Ýaşlar guramasynyň Merkezi Geňeşiniň ýanynda döredilen «Arkadagly Ýaşlar» atly elektron žurnalyň «Pähim-paýhas ummany Magtymguly Pyragy» ýylyndaky üçünji sany çapdan çykdy. Bu barada Türkmenistanyň resmi metbugaty habar berýär.

Neşiriň täze sanynyň başlangyç makalasy Hormatly Prezidentimiz Serdar Berdimuhamedowyň «Änew – müňýyllyklardan gözbaş alýan medeniýet» atly täze kitabyna  bagyşlanypdyr. 16-njy martda geçirilen ählihalk bag ekmek dabarasyna «Ekologiýa abadançylygy ― ählumumy ösüşiň girewi» atly makala bagyşlanypdyr. Şeýle hem iňlis dilinde «Türkmen zenanlaryna goýulýan sarpa» atly makala Halkara zenanlar gününe bagyşlanypdyr.

Änew şäheriniň «Türki dünýäsiniň medeni paýtagty» diýlip yglan edilmegi bilen bagly «Şanly ýylyň dabarasy dünýä dolýar» atly makala bu gadymy şäherde geçirilen halkara dabaralary ýene bir ýola ýatladar. 

Neşiriň ahyrky sahypalaryndan «Ýaş waspçy» atly döredijilik bäsleşiginiň täze ýeňijisi bilen hem tanşyp bilersiňiz.

Myratgeldi ORAZMYRADOW,
Ýagşygeldi Kakaýew adyndaky HNGU-nyň
Energetika we inženerçilik desgalary fakultetiniň
talyby.