Milli statistika gullugy (ONS) tarapyndan berlen beýanatda Angliýada işsizligiň şu ýylyň oktýabr aýynda 3,7 göterime çenli ýokarlanandygy hasaba alyndy. Beýanatda ýurtda noýabr aýynda ökde hünärli işçi güýjüniň ýetmezçiligi 65 müňe çenli azalandygy mälim edilýär.

Şeýle-de bolsa «ONS» - şu ýylyň oktýabr aýynda girdejileriň 6,1 göterim ýokarlanandygyny mälim edýär.

Angliýanyň maliýe ministri işsizligiň köpelmegine epidemiýanyň we dünýädäki ýaramaz hadysalaryň sebäp bolandygyny belläp geçýär. Şeýle hem ministrlik geljek ýyl işsizligiň azalmagyny gazanmak üçin Iňlis ykdysadyýetini täzeden ýola goýmak üçin meýilnamanyň  bardygyny aýdýar.

Belläp geçsek, şu ýylyň noýabr aýynda ýurtda energiýanyň şeýle-de azyk önümleriniň bahasy ep-esli ýokarlandy we 41 ýylyň iň ýokary derejesine ýetdi.