1-nji iýun Çagalary goramagyň halkara güni mynasybetli Änew şäherindäki «Buýsanç» çagalar medeni-dynç alyş merkezinde welaýat derejesinde aýdym-sazly dabara geçirildi.

Dabara Ahal welaýat häkimliginiň, Türkmenistanyň Demokratik partiýasynyň welaýat komitetiniň, Türkmenistanyň Agrar partiýasynyň welaýat komitetiniň, Türkmenistanyň Kärdeşler arkalaşyklarynyň welaýat birleşmesiniň, Türkmenistanyň Magtymguly adyndaky Ýaşlar guramasynyň welaýat Geňeşiniň, welaýat Baş bilim müdirliginiň hem-de welaýat Medeniýet müdirliginiň bilelikde guramagynda geçirildi. Oňa Ahal welaýatynyň ähli künjeginden bagtyýar çagalar gatnaşdy.

Dabarada welaýat kitaphanasy tarapyndan göçme baýramçylyk kitap sergisi hem gurnaldy. Dabaranyň dowamynda Ahal welaýatynyň jemgyýetçilik guramalary tarapyndan ol ýere ýygnanan çagalaryň ählisine doňdurmalar we datly tagamlar hödür-kerem edildi.