ABŞ-nyň iň iri banklaryndan biri bolan «Goldman Sachs» öňde goýan girdejili maksatlaryna ýetmek üçin 4 müňden gowrak işgärini işden çykarmaga taýynlanýar. Bu geljek ýylyň başynda işçi güýjüniň 8 göterime çenli azalmagyna sebäp bolup biljekdigini aňladýar.

Goldman Sachs - ABŞ-nyň köpmilletli maýa goýum banky bolup 1869-njy ýylda döredildi. Müşderilere maýa goýum, maliýe maslahaty, maliýe dolandyryşy ýaly maliýe hyzmatlaryny edýär. Bankyň merkezi edarasy Nýu-Ýorkda ýerleşýär. Häzirki wagtda bankda 49 müňe golaý adam işleýär. Goldman Sachs - girdeji taýdan dünýädäki iň uly banklaryň biridir. Ol ABŞ-da umumy girdejisi boýunça 57-nji ýerde durýar.