Amerikanyň Birleşen Ştatlarynyň raýatlary öz ýaşaýan öýlerini we howlularyny ýetip gelýän «Halloween» ýagny «Jadylar baýramyna» mynasybetli bezediler.

Adatça Günbatar döwletlerinde geçirilýän bu baýram erbet niýetli ruhlary kowmak we aradan çykanlary ýatlamak maksady bilen her ýylyň 31-nji oktýabrynda geçirilýär. «Halloween»-iň nyşany ýylgyrýan kädi bolup, ol ýylgyrýan ýüz görnüşinde oýulyp ýasalýar. Jynly has gorkunç ýüzi döretmek üçin bolsa kädiniň içinde şem ýakylýar.

Baýramçylyk döwründe çagalar däbe görä elhenç we gorkunç eşikler geýip, öýme-öý aýlanyp dürli süýjilikleri toplaýarlar.