Alymlar elektroniki galyndylardan gaýtadan işlemegiň täsirli usulyny oýlap tapdylar we bu usul bilen sarp edilen her 1 dollar üçin 50 dollar möçberinde altyn alyp boljakdygyny aýdýarlar. Gözlegçiler, durnukly we täjirçilik taýdan amatlydygy öňe sürülýän usulda, elektron galyndylaryndan gymmat bahaly metallary dikeltmek üçin peýnir öndürmek prosesiniň önümi bolan belok sürteçleri ulandylar.

Geçirilen gözlegde alymlar 20 köne kompýuteriň elektroniki galyndylaryndan diňe 450 milligram 22 karat altyn bölegini tapdylar. Netijeler, çeşme materiallarynyň üpjünçilik çykdajylarynyň we tutuş proses üçin energiýa çykdajylarynyň öwezini dolup boljak altynyň bahasyndan 50 esse pesdigini görkezýär. Alymlar altyn almak üçin ýokary temperaturada süýtli beloklaryň tebigatyny üýtgetdiler, belok süýümini döretdiler we sürteç almak üçin bu süýümi guratdylar.

Gözlegçiler soňra 20 sany kompýuteriň elektroniki galyndylaryndan metal böleklerini aýyrdylar we kislota hammamynda eretdiler, soňra altyn ionlaryny çekmek üçin erginine belok süýümli sürteç goýdular. Beýleki metal ionlary hem süýümlere ýapyşyp biler, altyn ionlary bolsa has täsirli edýär. Netijede, alymlar 20 sany kompýuteriň elektroniki galyndylaryndan 450 milligram alyp bildiler. Alymlar munuň 91 göteriminiň altyn, galan böleginiň misdigini aýtdylar. 

Güljeren ŞIROWA,

Türkmen döwlet binagärlik-gurluşyk
institutynyň talyby.