Çagalary goramagyň halkara güni mynasybetli Ak bugdaý etrap hassahanasynda dabaraly duşuşyk geçirildi. Duşuşyk diýseň täsirli boldy. Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ýanyndaky Ýaşulular geňeşinde Ahal welaýatyna wekilçilik edýän ýaşulular hassahananyň çagalar bölüminde bolup, ol ýerde bejergi alýan çagalary baýramçylyk mynasybetli gutladylar we ýagşy arzuwlaryny beýan etdiler.

Hassahananyň mejlisler jaýynda bolan dabaraly duşuşyga lukmanlar, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň serişdeleriniň hasabyna bejergi geçirilen çagalar we olaryň ene-atalary hem-de beýleki myhmanlar gatnaşdy.