Ekologiýa abadançylygyny üpjün etmek ugrunda Diýarymyzda möhüm ähmiýetli işler yzygiderli alnyp barylýar.  Şunuň bilen baglylykda, köpçülikleýin bag nahallaryny oturtmak, ozalky ekilen agaçlara ideg etmeklik ýaly çäreleri ýylyň-ýylyna geçirmeklik ýurdumyzda asylly däbe öwrüldi. Şeýle ideg işleriniň netijesinde ilatly ýerleriň töwereginde ýaşyl tokaý zolaklary emele gelip, tebigatymyz barha gözelleşýär, dem alýan howamyz tämizlenýär. Halkymyzyň saglygyny ekologiýa howplaryndan goramak bilen bagly bu çäreler bütin dünýäde oňyn seslenmä eýe bolýar.

“Pähim-paýhas ummany Magtymguly Pyragy” ýylynda hem şeýle çäreler uludan badalga alýar. Hormatly Prezidentimiziň 2024-nji ýylyň 1-nji martynda gol çeken Kararyna laýyklykda 16-njy martda ýurdumyzda ählihalk bag ekmek dabarasy geçiriler. Bu dabara halkymyz uludan taýýarlyk görýär. 

Türkmen halkynyň asyrlar boýy dowam edip gelýän asylly däpleriniň biri-de tebigata aýawly çemeleşip, ony gözüniň göreji deýin gorap saklamagydyr. Ýurdumyzy bagy-bossanlyga öwürmek boýunça üstünlikli durmuşa geçirilýän maksatnamalar pederlerimizden miras galan şol ajaýyp däpleri häzirki wagtda hem özümize tug edinýändigimizi subut edýär. 

Leýla JUMABERDIÝEWA,
Türkmenistanyň Döwlet energetika
institutynyň talyby.