Ahal welaýaty
logo

Soňky täzelikler:
✦ YHG-niň birinji ministrler forumy geçiriler ✦ ✦ III Halkara açyk informatika internet olimpiadasy üstünlikli geçirildi ✦ ✦ Türkmenistan bilen ÝUNFPA ýaşlar syýasatyny maslahatlaşdy ✦ ✦ Mekdep kitaphanalarynyň işi kämilleşdirilýär ✦ ✦ “Ekologiýa medeniýeti we daşky gurşawy goramak” atly medeni çäre ✦ ✦ Türkmenistan - BMG-da ýaşlar duşuşygyny guraýar ✦ ✦ Ýurdumyzyň ýokary okuw mekdepleriniň talyplarynyň arasynda iňlis dilinde geçiriljek suhangöýlük bäsleşigi ✦ ✦ Halkara parahatçylyk we ynanyşmak ýyly mynasybetli Bişkekde medeni çäre guraldy ✦ ✦ Üzärlik – tebigatyň keramatly oty ✦ ✦ Immunizasiýa hepdeligi — ilatyň saglygyny goramagyň ygtybarly ýoly ✦
Baş sahypa / Jemgyýet /Ahal welaýatynyň çägindäki kärizlerde ýeňil we düýpli abatlaýyş işleri geçirildi
  30.05.2023
238
Ahal welaýatynyň çägindäki kärizlerde ýeňil we düýpli abatlaýyş işleri geçirildi

Suw serişdelerini tygşytly we netijeli peýdalanmak hem-de ilaty arassa agyz suwy bilen üpjün etmek ugrundaky tagallalara saldamly goşant goşýan «Bäherdenagyzsuw» müdirliginiň işçi-hünärmenleri kärizleriň ýazky arassalaýyş we abatlaýyş işlerini üstünlikli ýerine ýetirdiler.

Kärizçi ussalar möwsümiň dowamynda etrabyň çägindäki «Çopan», «Garaja», «Döw», «Han», «Hüntüş», «Janabat», «Garasuw», «Köne Börme», «Bamy ata» ýaly kärizlerde ýeňil we düýpli abatlaýyş işlerini geçirenlerinde, ekologiýa taýdan arassa gurluşyk serişdeleriniň ulanylmagyna aýratyn ähmiýet berdiler. Bu işleri degişli meýilnama esasynda alyp baran kärizçiler öň toplan baý tejribelerine daýandylar. Şeýle işler etrabyň ýaşaýjylaryna gadymy suw desgalarynyň — meşhur kärizleriň jana tenekar suwundan bökdençsiz peýdalanmagyna oňyn mümkinçilik berýär.