Ýaňy ýakynda "Bilim nokady" okuw merkezinde kibermedeniýet boýunça "adam faktory" we "sosial inženerlik" temalarynda açyk sapak geçirildi.

Kibermedeniýet seminarlar toplumy Türkmenistanyň Magtymguly adyndaky Ýaşlar guramasynyň Merkezi Geňeşiniň maglumat beriş bölümi tarapyndan yzygiderli ýagdaýda geçirilýär. 

Seminarda kiberhowpsuzlyk we sanly tehnologiýalar boýunça hukukly bilermen Yklym Myradow çykyş etdi.

Diňleýjilerde uly gyzyklanma döreden bu gezekki seminaryň esasy maksady sosial ulgamlarda adamyň tutýan orny, kompýuter tehnologiýalaryndan dogry peýdalanmak, olaryň peýdaly we zyýanly taraplaryny öwretmek hem-de ýaşlaryň kiber ulgamlara garaşlylygynyň öňüni almagy wagyz etmek boldy.

Seminarda:
-"Adam sosial gurşawda maglumat alyp bolýan iň aňsat guraldyr." diýilip bellenişi ýaly häzirki döwürde adamyň sosial ulgamlardaky orny barada giňişleýin gürrüň edildi.