ABŞ-nyň Azyk we Derman serişdeleri gullugy, barlaghana gurşawynda ýagny laboratoriýada öndürilen towuk etlerinden peýdalanmaga rugsat berdi. «Upside Foods» şereketi tarapyndan öndürilen emeli etler, ABŞ-nyň oba hojalygy ministrligi tarapyndan barlagdan geçenden soň satuwa çykarylar.

«Upside Foods» atly şereket ilkinjileriň hatarynda emeli usulda öndürilen towuk etlerini satmaga taýynlanýar. Emeli towuk etleri doly barlagdan geçenden soň, şereket öz önümlerini bazara çykaryp biler.

ABŞ-nyň Azyk we Derman serişdeleri gullugy, muny geljekdäki emeli et senagaty üçin möhüm ädim hasaplaýar.