logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Bilim bermekde okuwçynyň pikirleniş ukybyny ösdürmek möhümdir ✦ ✦ Garabogaz - Gazagystan serhetýaka awtomobil ýolunyň 44 kilometrlik bölegi açyldy ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦
Baş sahypa / Sport /13 ýaşly türkmen gyzy Moskwa şäherinde geçirilen küşt ýaryşynda kümüş medal gazandy
  03.09.2023
933
13 ýaşly türkmen gyzy Moskwa şäherinde geçirilen küşt ýaryşynda kümüş medal gazandy

Moskwada küşt boýunça geçirilen abraýly ýaryşda 13 ýaşly türkmen gyzy Mähri Agamyradowa ikinji orny eýeledi. M.M.Botwinnigiň ýadygärligine bagyşlanan açyk halkara ýaryş Türkmenistandan, Azerbaýjandan, Ermenistandan, Belarusdan, Gazagystandan, Gyrgyz Respublikasyndan, Russiýadan we Özbegistandan wekilleri jemledi.

 


8-nji tapgyrda Mähri Agamyradowanyň (FIDE reýtingi – 1583) hem-de dünýä we Ýewropa çempionatlarynyň baýraklarynyň birnäçesini eýelän russiýaly Anna Şuhmanyň arasyndaky duşuşyk altyn medalyň eýesini mälim etdi. Iki aý mundan öň Batumide (Gruziýa) geçirilen dünýä çempionatynyň blis ýaryşynda Annany ýeňen ildeşimiz nusgawy usuldan geçen nobatdaky dartgynly duşuşykda rus küştçüsinden asgyn geldi. Şeýlelikde, 8 utukdan 5,5 utuk toplan türkmen gyzy ikinji orna mynasyp boldy.