10-njy iýunda Türkmenistanyň Prezidenti Serdar Berdimuhamedow Moskwa şäherinde Russiýa Federasiýasynyň Prezidenti Wladimir Putin bilen duşuşar.

Iki ýurduň Döwlet Baştutanlary syýasy, söwda, ykdysady we medeni-ynsanperwer ugurlardaky ikitaraplaýyn hyzmatdaşlygy mundan beýläk-de ösdürmek bilen bagly meseleleri ara alyp maslahatlaşar. Şeýle hem, duşuşygyň barşynda birnäçe möhüm resminamalara gol çekiler.

Belläp geçsek, Türkmenistanyň Prezidentiniň bu sapary, döwlet wezipesine girişenden soňra Russiýa Federasiýasyna amala aşyrjak ilkinji resmi saparydyr.