Amerikanyň Birleşen ştatlarynda takmynan 100 ýaşly akwarium balygy hasaba alyndy. Bu barada Oddity Central agentliginiň aýtmagyna görä, Mafusail atly balyk 1938-nji ýylda Awistraliýa döwletinden ABŞ-a getirilýär. Alymlaryň geçiren barlaglaryna görä bu balyk häzirki wagtda dünýäde iň garry akwarium balygy diýip çaklanylýar.

Geçirilen barlaglaryň netijesine görä bu täsin balyk 92 ýaşdan 100 ýaş aralygyndalygy anyklanyldy. Mafusail gury ýerde-de, suwda-da ýaşap bilýän jandardyr, ol iki ýagdaýda hem dem almaga ukyply. Mafusaila seredýän işgärleriň aýtmagyna görä ol özüni häzir hem rahat duýýar.

Hünärmenleriň geçiren barlagyna görä adatça uzak ýaşan balyklar, garrylyk alamytyny görkezýänligini aýtdylar, ýöne Mafusail-da olar ýaly garrylyk alamytynyň ýoklygyny belleýärler.

Dursunaý AŞYRALYÝEWA,
Türkmen oba hojalyk institutynyň
Weterinar lukmançylyk fakultetiniň 
I ýyl talyby.