Türkmenistan we Ermenistan derman we lukmançylyk serişdeleriniň importy hem-de eksporty boýunça ylalaşyga geldi. Bu barada Türkmenistanyň Ermenistandaky ilçihanasy habar berýär.

Bu ylalaşyk Ermenistanyň wekiliýetiniň Türkmenistana eden saparynyň çäklerinde, Ermenistanyň Saglygy goraýyş ministrliginiň Baş sekretary Wardui Grigorýanyň Türkmenistanyň Saglygy goraýyş we derman senagaty ministrliginiň wekilleri bilen geçiren duşuşygynyň netijesinde gazanyldy.

Mundan başga-da, Wardui Grigorýan 2025-nji ýylyň 29-njy martynda Arkadag şäherinde geçirilen “Parahatçylyk we ynanyşmak ýyly: çagalaryň hatyrasyna halkara işiniň ösüşi” atly halkara maslahata gatnaşdy.

Maslahatyň dowamynda ol enäniň we çaganyň saglygyny goramak boýunça Ermenistanyň esasy döwlet maksatnamalary bilen tanyşdyrdy. Şeýle hem derman serişdeleriniň elýeterliliginiň üpjün edilmeginiň möhümdigi barada aýratyn nygtaldy.

Göwher OTUZOWA,

Myrat Garryýew adyndaky Türkmenistanyň
Döwlet lukmançylyk uniwersitiniň assistenti,
lukmançylyk ylymlaryň kandidaty.