logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Bilim bermekde okuwçynyň pikirleniş ukybyny ösdürmek möhümdir ✦ ✦ Garabogaz - Gazagystan serhetýaka awtomobil ýolunyň 44 kilometrlik bölegi açyldy ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦
Baş sahypa / Ylym we Bilim /Talyplar we ýaş telekeçiler eksport boýunça amaly maslahatlar aldy
  31.03.2026
509
Talyplar we ýaş telekeçiler eksport boýunça amaly maslahatlar aldy

2026-njy ýylyň 28-nji martynda Halkara nebit we gaz uniwersiteti (HNGU)-da halkara söwda boýunça bilermen Azat Annadurdyýewiň gatnaşmagynda “Eksport – global bazarlaryň gapysy” atly açyk sapak üstünlikli geçirildi.

 

Açyk sapagyň dowamynda eksportyň ykdysady ösüşdäki ähmiýeti, daşary ýurt bazarlaryna çykmagyň mümkinçilikleri we häzirki zaman şertlerinde telekeçiler üçin döredilýän mümkinçilikler barada giňişleýin çykyş etdi. Şeýle hem ol halkara söwda ulgamynda toplan tejribesini paýlaşyp, ýaşlara öz işini ösdürmekde möhüm maslahatlary berdi.

 

Açyk sapaga uniwersitetiň talyplary, ýaş telekeçiler we mugallymlar işjeň gatnaşdylar. Gatnaşyjylar eksport bilen baglanyşykly sowallara jogap alyp, tejribeli bilermenden amaly maglumatlary öwrendiler. Bu açyk sapagy tejribe paýlaşmak we pikir alyşmak üçin netijeli platforma öwürdi.

 

Çäräniň ýokary derejede guralmagynda Türkmenistanyň Bilim ministrligi, Halkara nebit we gaz uniwersiteti, TSTP-niň Aşgabat şäher komitetiniň ýanyndaky “Ýaş telekeçiler” merkezi hem-de TMÝG-nyň Maglumat, maslahat beriş we meýletinçilik hereketiniň işleri boýunça Merkezi hyzmatdaşlyk etdiler.

 

Guramaçylar bu çäreleriň ýaşlaryň telekeçilik ukyplaryny ösdürmekde, halkara bazarlara bolan gyzyklanmasyny artdyrmakda we ykdysady gatnaşyklaryna işjeň gatnaşmagyna uly goşant goşýandygyny bellediler. Şeýle çärelere yzygiderli gatnaşmak talyplaryň bilim derejesini ýokarlandyrýar we olaryň geljekde üstünlikli hünärmen bolup ýetişmegine ýardam edýär.