logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Jemgyýet /Saglygym-baş baýlygym
  19.10.2021
922
Saglygym-baş baýlygym

Berkarar döwletimiziň bagtyýarlyk döwründe saglyk ulgamynda uly işler durmuşa geçirilýär. Paýtagtymyz Aşgabatda hem-de welaýatlarymyzda dünýä ülňülerine laýyk gelýän saglyk merkezleridir öýleri, şypahanalar gurlup, ulanylmaga berilýär. Gahryman Arkadagymyzyň halkymyza peşgeş beren “Türkmenistanyň dermanlyk ösümlikleri” atly köp jiltli ylmy-ensiklopedik kitaby hem lukmanlaryň ýan kitabyna öwrüldi.Ýurdumyzda  geçirilýän düýpli özgertmeler netijesinde, ilatymyzyň ýaşaýyş-durmuş şertleri gowulanýar, olaryň ömrüniň ortaça dowamlylygy artýar. Ýurdumyzda gurlan we gurulýan saglyk maksatly desgalar ylmy taýdan esaslanyp gurulmagy, lukmançylygyň ykdysady taýdan netijeli bolmagyna ýardam berýär. Ilatymyzyň bökdençsiz saglygy goraýyş hyzmatlary bilen üpjün edilmegi, ýokanç keselleriň öňüni alyş sanjymlaryň meýilnama esasynda we goşmaça gerek bolan öňüni alyş sanjymlary meýilnama laýyklykda üpjün edilmegi, keselleýjiligiň ýyl-ýyldan azalmagyna ýardam berýär.

 Häzirki wagtda dünýäniň ählumumy howpuna öwrülen pandemiýa bilen göreşmek babatda Diýarymyzyň teklip edýän başlangyçlary özünde köptaraplaýyn çuňňur ideýalary jemleýär. Saglyk ulgamy boýunça ýurdumyz tarapyndan ylmy diplomatiýa ugry boýunça halkara hyzmatdaşlygy işjeňleşdirmek, BSGG-niň koronawirus ýokanjynyň genomyny öwrenmek üçin Ýörite maksatnamasyny düzmek, BSGG-niň öýken sowuklama keseline garşy göreşmek boýunça köptaraplaýyn guralyny ýola goýmak, BSGG-niň Ýiti ýokanç keselleri bejeriş we olaryň öňüni alyş usulyýet merkezini döretmek hem-de Merkezi Aziýada Epidemiologiýa, wirusologiýa we bakteriologiýa merkezini döretmek ýaly teklipler öňe sürülýär. Milli Liderimiziň belleýşi ýaly, pandemiýanyň we onuň dünýä ykdysadyýetine ýetirýän ýaramaz täsiriniň öňüni almazdan, durnukly ösüş maksatnamasyny ýerine ýetirmek mümkin däl. Şol nukdaýnazardan, Watanymyzyň öňe sürýän bu teklipleriniň häzirki zaman dünýä ykdysadyýetiniň çökgünli döwrüni ýeňip geçmekde derwaýys başlangyç hökmünde Milletler Bileleşigi tarapyndan giň goldawa eýe bolýar. Milli saglygy goraýyş ulgamyny düýpli döwrebaplaşdyrmak, sanly ulgama geçirmek, telelukmançylygy giňden ösdürmek, lukmançylyk ylmynyň öňe ösmegini üpjün etmek, keselleri irki wagtda ýüze çykarmagyň, anyklamagyň we bejermegiň iň täze usullaryny işe ornaşdyrmak öňde durýan möhüm wezipeleriň hatarynda goýulýar hem-de amala aşyrylýar. Bu işleriň sakasynda duran hormatly Belent Serkerdebaşymyzyň jany sag, ömri uzak, belent başy aman bolsun, il-ýurt, dünýä ähmiýetli tutumly işleri hemişe rowaç alsyn!