Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Ykdysadyýet /Meýilnamalaýyn borçnama üstünlikli berjaý edildi
  13.11.2020
374
Meýilnamalaýyn borçnama üstünlikli berjaý edildi

     Türkmenistan-Bitaraplygyň mekany ýylynda Sarahs etrabynyň edermen babadaýhanlary şu ýyl döwlete pagta tabşyrmagyň şertnamalaýyn tabşyrygyny üstünlikli berjaý edip, uly zähmet ýeňşini gazandylar. Olar üstümizdäki ýylda meýdanlardan 35730 tonna hasyl almagy meýilleşdirip, göz öňünde tutulan tabşyrygy ilkinjileriň hatarynda berjaý etmegiň hötdesinden geldiler.

Etrabyň daýhan birleşikleri, daýhan hojalyklary döwlete pagta tabşyrmagyň şertnamalaýyn tabşyrygyny üstünlikli berjaý etmek ugrunda ýokary guramaçylyk çärelerini doly derejede üpjün edip, bol hasylyň kemala getirilmeginde ol hojalyklaryň pagtaçy kärendeçileri zähmetiň ajaýyp nusgasyny görkezip işlediler. Ýygym möwsümine girişilmegi bilen etrap häkimliginiň, jemgyýetçilik guramalarynyň hasyly çalt we ýitgisiz ýygnap almak barada düzülen iş meýilnamanyň çäklerinde jogapkärli möwsüme zähmet adamlarynyň işjeň çekilmegi ýola goýuldy. Pagta meýdanlarynda bu işe işjeň çekilen öňdebaryjy kärendeçilik toparlarynyň, kärendeçileriň, pagta ýygyjy maşynlaryň sürüji-mehanikleriniň, pagta daşaýjy awtoulaglaryň sürüjileriniň arasynda höweslendiriş, medeni köpçülik çäreleriniň yzygiderli guralmagy pagtaçylary täze ýeňişlere ruhlandyrdy. Altyn –güýzüň bereketli gowaça hasylyny ýygnap almagyň ussatlary hökmünde Sarahsly pagtaçylar arzyly pellä ýetip, uly zähmet ýeňişini gazandylar. Bu gazanylan üstünlikde etrabyň “Bereket”, “A.Tekäýew”, “Nyýazow” adyndaky daýhan birleşikleriniň pagtaçylarynyň gazanan üstünligi has saldamly boldy. Etrabyň pagtaçylarynyň gazanan zähmet ýeňşiniň şanyna etrap medenýet öýünde aýdym sazly dabara guralyp onda täsirli çykyşlara giň orun berildi. Pagta tabşyrmagyň meýilnamalaýyn şertnamasyny üstünlikli berjaý eden etrabyň gazanan üstünligine mynasyp goşant goşan pagtaçylaryň birnäçesine gymmat bahaly sowgatlary dabaraly ýagdaýda gowşuryldy.