logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Bilim bermekde okuwçynyň pikirleniş ukybyny ösdürmek möhümdir ✦ ✦ Garabogaz - Gazagystan serhetýaka awtomobil ýolunyň 44 kilometrlik bölegi açyldy ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦
Baş sahypa / Oba hojalygy /Daşoguz welaýatynda hasyl toýy bellenildi
  14.11.2023
1017
Daşoguz welaýatynda hasyl toýy bellenildi

Diýarymyzyň ähli ýerlerinde bolşy ýaly, Daşoguz welaýatynda hem bu baýram uludan tutuldy. Baýramçylyk dabarasy Daşoguz şäheriniň görküne görk goşýan «Türkmeniň ak öýi» binasynyň öňünde geçirildi. Bu ýere ir säherden oba hojalyk işgärleri, welaýatymyzyň dürli ýerlerinden gelen kärendeçi daýhanlar, mehanizatorlar, il sylagly ýaşulular we beýleki myhmanlar ýygnandylar.

 

 

Toý gününde meýdança ajaýyp görnüşler bilen bezelipdir. Bu ýerde muzeý gymmatlyklarynyň, öz topragymyzda öndürilen azyk, senagat önümleriniň, daýhançylyk gurallarynyň, çeper elli gelin-gyzlaryň el işleriniň, olaryň şaý-sepleriniň, at esbaplarynyň, küýzegärçilik, amaly-haşam sungatynyň, «ak altynyň» täze hasyly bilen doldurylan horjunlaryň, şeýle hem bugdaý sümmülleriniň, tamdyrda täze bişirilen çörekleriň, pişmeleriň, beýleki milli nygmatlaryň sergileri guralypdyr. Şeýle hem sergide ýurdumyzda ýetişdirilen şirin-şeker gawun-garpyzlar, kädidir beýleki bakja önümleri ýerleşdirilipdir. Dabara gatnaşyjylar bereket-bolçulygy alamatlandyran bu sergilere uly buýsanç bilen syn etdiler. Baýramçylykda oba hojalyk ulgamynda oňat netije gökezen kärendeçi daýhanlar, mehanizatorlar şol sanda Türkmen oba hojalyk institutynyň weterinar lukmançylygy fakultetiniň dekany Wepa Halymowa Türkmenistanyň Prezidentiniň gymmat bahaly sowgatlary gowşuryldy.

 


Gülnaza NURULLAÝEWA,
Türkmen oba hojalyk institutynyň
Weterinar lukmançylygy fakultetiniň
3-nji ýyl talyby.