Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Ykdysadyýet /Ak bugdaýly meýdanda
  12.06.2021
323
Ak bugdaýly meýdanda

Ahal welaýatynyň Tejen etrabynda galla oragy gyzgalaňly alnyp barylýar. Möwsüme taýýarlykly girişmek oragy bökdençsiz alyp barmagyň esasy şertine öwrüldi. Ýygnalan hasylyň kabul ediş nokatlaryna, elewatorlara daşalýan we ol ýerlerde guşgursak ak bugdaýyň bökdençsiz kabul edilýär. Tejribeli mehanizatorlara berkidilen “polat atlaryň” gije-gündiziň dowamynda bökdençsiz işlemeginde hyzmat ediş toparlaryň ýardamlary uludyr.

         Tejen etrabynyň Tejen daýhan birleşiginiň meýdan düşelgesinde aýdym-sazly dabara geçirildi. Galla oragynyň depginini ýokarlandyrmak, daýhan yhlasy bilen ýetişdirilen guşgursak ak bugdaýy çalt, ýitgisiz ýygnamak we kabul ediş nokatlaryna daşamak ýaly asylly işe gatnaşyjylary zähmet üstünliklerine galkyndyrmak hem-de armasyny ýetirmek ýaly baýramçylyk çäresi geçirildi. Oňa gatnaşyjy kombaýynçylar, awtoulag sürüjileri, kärendeçiler we tehniki hyzmat ediş toparlarynyň agzalary etrabyň medeniýet bölüminiň sungat ussatlarynyň çykyşlaryndan ruhy lezzet aldylar.

         Galla oragynda tapawutlanýan öňdebaryjy zähmetkeşlere etrabyň jemgyýetçilik guramalary tarapyndan ýörite sowgatlaryň gowşurylmagy bolsa dabaranyň many-mazmunyny artdyrdy.