logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Bilim bermekde okuwçynyň pikirleniş ukybyny ösdürmek möhümdir ✦ ✦ Garabogaz - Gazagystan serhetýaka awtomobil ýolunyň 44 kilometrlik bölegi açyldy ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦
Baş sahypa / Ykdysadyýet /“Ak altyn” harmanlary beýgelýär
  04.11.2020
855
“Ak altyn” harmanlary beýgelýär

      Daýhan “çekseň zähmet ýagar rehnet” diýen pederlerimiziň pähim-paýhasly sözlerine eýerýär. Ol bu gün alyn derini siňdirip kemala getirilen gowaça hasylyny ýygnaýar. Pagtaçy kärendeçileriň tagallasy bilen ekerançylyk meýdanlary ak hanalara bezeldi. Onuň yhlasly zähmeti bilen bitginli hasyl bu günki-günde pagta kabul ediş harmanlaryna daşalýar. Şonuň üçin hem Tejen etrabynyň Gowkyzereň, Tejen merkezi we Altyn asyr pagta kabul ediş kärhanalarynda gije-gündüziň dowamynda joşgunly zähmet alnyp barylýar. Ol harmanhanalarda köpmüňçi ýygymçylaryň ýygan pagta hasyllary, şeýle hem kuwwatly pagta ýygyjy maşynlar bilen ýygnalan “ak altynlar” kabul edilýär.

     Tejenli pagtaçylar şu günler howanyň amatly şertlerinden netijeli peýdalanýarlar. Olar hasylyň ýekeje hanasynyň hem zaýalamazlyga çalyşýarlar. Bu ugurda etrabyň jemgyýetçilik guramalary hem mynasyp goşantlaryny goşýarlar. Olar yglan edilen 10 günlik ýaryşlaryň netijeleri boýunça öňde baryjy kärendeçilere, köpmüňçi ýygymçylara we awtoulagyň sürüjilerine iş üstünde sowgatlary gowşurýarlar. Munuň özi bolsa pagta ýygymyna gatnaşýanlaryň ählisine has hem üstünlikli işlemekleriniň täsirini ýetirýär hem-de etrabyň pagta kabul ediş “ak altynly” harmanhanalarynyň has hem beýgelmegine getirýär.