logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦ ✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦
Baş sahypa / Şygryýet /Adyň köňüllerde gazal, Pyragy!
  17.03.2024
1082
Adyň köňüllerde gazal, Pyragy!

Akyldar şahyrymyz Magtymguly Pyragynyň edebi döredijiligi dünýä edebiýatynyň genji-hazynasynda baky orun tutdy. Onuň ynsanperwerligi, watansöýüjiligi, agzybirligi ündeýän eserleri döwürleriň mukamy bolup,  asyrlar geçse-de, öz ähmiýetini ýitirenok, nesilden-nesle geçip, baky ýaşaýar. Munuň özi ajaýyp goşgularyň köňüllerde ýer edendiginiň aýdyň alamatydyr. Bu gün şamçyrag deý ýalkym saçýan şygyrlar merdana halkymyzyň ýüreginde aýdym bolup ýaňlanýar. Berkarar döwletiň täze eýýamynyň Galkynyşy döwründe dana Pyraga hormat-sarpa goýulýar. Türkmen halkynyň görnükli şahyrynyň baý edebi mirasy dünýä halklarynyň dillerinde söýlüp okalýar.

 

Şahyryň öwüt-nesihat häsiýetli şygyrlarynyň gymmatly taraplarynyň biri-de, olaryň terbiýeçilik ähmiýeti hiç bir ýaşda-da täsirliligini ýitirenok. Gaýtam ynsanyň ýaşy goýaldygyça ol setirleriň täsirliligi artýar. Şol täsir bilenem halkymyz Magtymgulynyň kitabyny çagalykda eline alansoň, tä ömrüniň ahyryna çenli ony özüne hemra edinýär. Şonuň üçinem biz Magtymguly atamyzyň şygryýetini türkmeniň nesil terbiýesiniň müdimi gollanmalary hökmünde häsiýetlendirýäris.

 

Üstümizdäki — “Pähim-paýhas ummany Magtymguly Pyragy” ýylynda türkmen halky Gahryman Arkadagymyzyň saýasynda Arkadagly Gahryman Serdarymyzyň baştutanlygynda akyldar şahyrymyzyň doglan gününiň 300 ýyllygynyň toýuna taýýarlyk görýär. Bu taryhy senäniň halkara derejesinde belleniljekdigi şygyryýet äleminiň şasy Magtymguly Pyragynyň edebi mirasynyň dünýä dolmagynda taryhy waka boljakdygy guwandyrýar.

 

Goý, beýik şahyra hormat-sarpa goýýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, il-ýurt ähmiýetli tutumly işleri rowaç bolsun!

 

Ogulgeldi BAÝEKOWA,

Türkmenabat şäheriniň 33-nji orta 
mekdebiniň kitaphanaçysy.