2024-nji ýylyň 4-nji dekabrynda, Seýitnazar Seýdi adyndaky Türkmen döwlet mugallymçylyk institutynyň guramagynda, ýurdumyzyň we daşary ýurtlaryň ýokary okuw mekdepleriniň talyplarynyň arasynda IV Açyk halkara fizika internet olimpiadasy geçirildi. Olimpiadada, Russiýa Federasiýasy, ABŞ, Hytaý Halk Respublikasy, Italiýa, Rumynýa, Türkiýe, Laos Halk Demokratik Respublikasy, Belarus, Ukraina, Özbegistan, Kipr, Päkistan, Hindistan, Täjigistan, Gyrgyzstan, Gazagystan we Günorta Koreýa ýaly 17 ýurtdan 450 talyp gatnaşdy.
Olimpiada, ýokary okuw mekdepleriniň talyplarynyň arasynda dostlukly gatnaşyklary berkitmekde, şeýle hem ylmy maglumatlary alyş-çalyş etmekde uly ähmiýete eýe boldy. Bu çäre, professor-mugallymlaryň we talyplaryň bilelikde ylmy pikir alyşmaklaryna, häzirki döwürde amalyýetde ýüze çykýan fiziki meseleleri we tejribeleri derňemeklige giň mümkinçilik döretdi.

Çeşme: Education.gov.tm

Aýlar JUMEŞOWA,
Türkmenistanyň Döwlet energetika
institutynyň talyby.